Lexoni edhe:
Mateo shfaqet duke i mbajtur dorën Brikenës
YouTube mbyll dy kanale për video mashtruese
YouTube ka fshirë dy kanale të njohura që publikonin video të shkurtra të rreme për filma, të krijuara me ndihmën e inteligjencës artificiale (AI).
Platforma ka vendosur ta ndalë këtë përmbajtje mashtruese duke mbyllur dy kanale të mëdha, screen culture nga india dhe kh studio nga shtetet e bashkuara, të cilat së bashku kishin mbi 2 milionë abonentë dhe më shumë se një miliard shikime.
Sipas YouTube-it, këto kanale nuk e përdornin AI-në vetëm për qëllime argëtuese, por kombinonin skena të krijuara me inteligjencë artificiale me materiale reale nga filma ekzistues. Si rezultat, publikoheshin video jozyrtare që krijonin konfuzion dhe mashtronin publikun.
Një nga shembujt më domethënës është kanali screen culture, i cili publikoi 23 versione të ndryshme të një traileri për filmin “fantastic four: first steps”. Disa prej këtyre videove kishin arritur më shumë shikime sesa traileri zyrtar i filmit.
Vendimi i YouTube-it vjen në një kohë kur përdorimi i inteligjencës artificiale në industrinë e filmit është në rritje, përfshirë edhe krijimin e përmbajtjeve që mashtrojnë publikun, duke simuluar personazhe ose skena që në realitet nuk kanë ekzistuar.
(Kosova Sot Online)
