Çiftet që debatojnë janë ata që e duan më shumë njëri-tjetrin

  • 17 tetor 2019 - 11:41
Çiftet që debatojnë janë ata që e duan më shumë njëri-tjetrin

Që nga adoleshenca, ne jemi të bindur që një marrëdhënie romantike është paqësore dhe pa probleme. Kjo është arsyeja pse ne rritemi me idenë se kur të gjejmë partnerin e duhur, do të jemi gjithmonë të lumtur. Por realiteti është krejt ndryshe: një çift nuk mund të lërë pas dore momentet e vështira që shkaktojnë përçarje dhe polemikë. Janë pikërisht këto momente që veprojnë si bashkim në çift! Sipas psikologëve, çiftet që debatojnë janë thjesht më të lumturit!
 

Pse çiftet që debatojnë janë më të lumtur?

Është vërtetuar shkencërisht se kur partnerët shprehin gjithmonë këndvështrimin e tyre, grinden më shpesh, ata janë edhe më të lumtur pasi mësojnë të pranojnë njëri-tjetrin ashtu si janë. Në fakt, psikologët shprehen se çiftet që debatojnë ka më shumë të ngjarë të jenë së bashku për një kohë të gjatë sepse debati i lejon çiftet të përqendrohen në çështje që duhet të zgjidhen para se të bëhen probleme të mëdha.

Sipas një studimi, 44% e çifteve të martuar besojnë se diskutimi më shumë se një herë në javë ndihmon për të mbajtur dialogun të hapur. Kjo tregon se çiftet ndiejnë nevojën për të diskutuar qartë duke shpjeguar nevojat e tyre ndaj partnerëve. Në vend të kësaj, një studim sugjeron që dy partnerët që debatojnë janë të interesuar për njëri-tjetrin. Mos debatimi tregon shqetësim sepse nuk ka ndërmend të sqarohet.

Përfitimet e diskutimeve

Diskutimet ndihmojnë për të shmangur pakënaqësinë dhe shumë shpesh përkthehen në veprime konstruktive: tejkalohen pengesat dhe fitohet një pamje më e shëndetshme e jetës. Debatimi është i rëndësishëm, por është edhe më e rëndësishme të mos kalosh kufijtë. Diskutimi duhet të jetë gjithnjë i qetë dhe paqësor, nuk duhet të ketë shfaqje dhune, as fizike, as verbale. Mos harroni se nëse vlerësoni partnerin tuaj, kurrë nuk duhet të keni frikë të thoni atë që mendoni, por kurrë mos e bëni atë në një mënyrë fyese. Respektimi i ndërsjellë është thelbësor!

(Kosova Sot Online)