Përfitimet që sjellin diskutimet në çift…

Besoni apo jo, diskutimet me partnerin tuaj mund të jenë shumë pozitive për marrëdhënien tuaj. Sa herë keni preferuar të heshtni në mënyrë që të mos vazhdoni diskutimin? A ju ka ndodhur që të sforconi veten të mos bëni një akuzë pas një diskutimi tepër të ashpër? Realiteti është se diskutimet humbin vlerën e tyre kur një nga dy të përfshirët nuk e lejon tjetrin të flasë.

Marrëdhëniet duhet të funksionojnë si një organizëm i gjallë dhe duke qenë i tillë mund të sëmuret, të rritet dhe të zhvillohet. Është e nevojshme të hidhni pas krahëve gjërat që nuk funksionojnë më për ju dhe një nga mënyrat për ta bërë atë është përmes diskutimit.

Funksioni i tij është të ndryshojë disa mendime në martesë dhe të sigurojë që ajo të vazhdojë të funksionojë siç duhet.

Ja 3 pikat kryesore që duhet të mbani në mend kur diskutoni:

1. Dini si të dëgjoni. Ndryshe, si do ta dini se për çfarë ka apo çfarë marrëveshje duhet të arrini nëse nuk dëgjoni atë që ata duan t’ju thonë? Mbani heshtje absolute dhe dëgjoni historinë që ju tregojnë sikur të ishte një film në mënyrë që të mund t’i vëzhgoni të gjitha detajet dhe në fund të tregimit, mund të flisni. Nëse doni të dëgjoni, gjëja e parë që duhet të bëni është të flisni me një ton respekti dhe qëndrueshmërie, jo agresioni dhe poshtërimi.

2. Një pikë e rëndësishme është që të bëni pyetje drejtuar partnerit tuaj. Flisni se si ndiheni për atë që po ndodh, përse mendoni se keni bërë atë që ai thotë? Pse është e rëndësishme për të?, A e dini me të vërtetë çka ndjen partneri juaj? Shumica e divorceve ndodhin vetëm nga akumulimi i këtyre ndjenjave negative, sepse diskutimet janë shumë të cekëta dhe janë vetëm për atë se kush është e drejtë dhe jo për atë që është pas asaj që ata janë duke pretenduar. Ju duhet të jeni mjaft të qartë në atë që ndjeni, sigurohuni që partneri të dijë se si ju bën të ndiheni: të trishtuar, të zemëruar, të vetmuar, të zhvendosur etj.

3. Personi që është para jush nuk është armiku juaj. Shembulli i mëposhtëm ju ndihmon të bëheni më të qartë: kur flisni me një shok dhe ju tregon gabimet tuaja, ju e falënderoni, por kur bëhet fjalë për partnerin tuaj, gjërat ndryshojnë . Ju mendoni se ai duhet t’ju shohë me sytë e dashurisë dhe admirimit gjithmonë. Gjetja e problemeve ku nuk ka, nuk do të ndihmojë. Nëse diçka ju bën të ndiheni keq, është e nevojshme ta qartësoni atë, thjesht gjeni vendin dhe kohën e duhur për ta bërë. Mësoni të kërkoni falje dhe vazhdoni.

(Kosova Sot Online)