Jeni shtatzënë? Ja ç’do të përfitoni ju dhe foshnja juaj nëse provoni këto shtatë pozicione të thjeshta

Dhimbja e shpinës është një nga problemet më të zakonshme tek gratë shtatzëna, sipas një studimi.

Përafërsisht, 50% e grave shtatzëna përjetojnë shqetësime ose dhimbje të lehta në shpinë, raporton “Bright Side”.

Arsyet për këtë janë indeksi i lartë i masës trupore dhe sjellja jonormale. Prandaj, specialistët rekomandojnë pozicione të caktuara që mund të lehtësojnë jetën e një gruaje shtatzënë.

Mbajeni kokën dhe stomakun lart teksa qëndroni në këmbë.

Për të mbajtur qëndrimin e duhur gjatë ecjes, është e rëndësishme që së pari të merrni pozicionin e duhur në këmbë.

Mos e anoni kokën përpara, prapa, poshtë ose anash. Lobet e veshit tuaj duhet të jenë në përputhje me mesin e shpatullave tuaja.

Tërhiqeni barkun brenda dhe lart . Harqet e këmbëve duhet të mbështeten në këpucë me takë të ulët, por jo plotësisht të sheshtë.

Është e rëndësishme të shmangni qëndrimin për një kohë të gjatë në të njëjtin pozicion.

Shtrihuni në anën tuaj të majtë.

Sipas specialistëve, pozicioni më i mirë i gjumit gjatë shtatzënisë quhet “SOS”. Do të thotë të “flesh anash”. Është edhe më mirë nëse fle në anën e majtë, sepse pozicioni rrit sasinë e gjakut dhe lëndëve ushqyese që arrijnë placentën.

Gjithashtu, rekomandohet t’i mbani gjunjët të përkulur dhe të vendosni një jastëk midis këmbëve. Fjetja me kurriz mund të jetë në rregull për tremujorin e parë, por pas kësaj, është më mirë ta shmangni atë.

Uluni në një karrige, por mbrapsht.

Mundohuni të shmangni uljen në të njëjtin pozicion për më shumë se 30 minuta.

Kthejeni një karrige në mënyrë që të uleni mbrapsht në të.

Uluni dhe mbështetuni përpara mbi pjesën e pasme të saj.

Mbështetuni në një jastëk nëse është e nevojshme. Shpina juaj duhet të jetë e harkuar.

Mbështetni këmbën në një kuti ose stol.

Askush nuk i anulloni punët e shtëpisë, por mund të jetë e vështirë të qëndrosh për një kohë të gjatë në këmbë, si për shembull gjatë larjes së enëve.

Për ta bërë pozicionin më të rehatshëm, mbështetni një nga këmbët në një kuti ose një stol të vogël. Në rastin e larjes së enëve, mund të hapni dollapin nën lavaman dhe të mbështetni njërën këmbë në parvaz. Mos harroni të ndërroni këtë pozicion dhe këmbët tuaja çdo 20 deri në 30 minuta.

Vendosni një jastëk poshtë dhe në pjesën e pasme të shpinës kur uleni.

Një mbështetje e tillë mund t’ju ndihmojë të qëndroni më drejt.

Mos harroni se pa marrë parasysh se ku uleni, duhet ta mbani barkun më poshtë se kurrizi. Gjithashtu, gjunjët duhet të jenë në një nivel më të ulët se ijet.

Merrni pozicionin e duhur ndërsa jeni në tualet.

Kapsllëku është shumë i zakonshëm gjatë shtatzënisë, kështu që mund t’ju duhet një pozicion i rehatshëm për të lehtësuar procesin.

Përdorni një stol poshtë këmbëve.

Përkuluni përpara dhe vërini bërrylat në gjunjë. Shpina duhet të jetë e drejtë pa asnjë hark.

Mos e mbani frymën, por merrni frymë thellë, ngadalë dhe përmes gojës, kështu që muskujt tuaj do të relaksohen.

Lehtësoni dhimbjet e shpinës gjatë shtatzënisë.

“Stretching” në mur është një qëndrim i mirë për të forcuar dhe çliruar muskujt në pjesën e sipërme të shpinës gjatë shtatzënisë.

Mbështetuni pas një muri me një jastëk të fortë ose me një peshqir të mbështjellë poshtë shpatullave. Këmbët duhet të jenë të hapura në gjerësinë e shpatullave dhe rreth 30 cm nga muri.

Anoni mjekrën poshtë dhe merrni frymë. Tani filloni të shtyni shpatullat, qafën dhe kokën në mur.

Mbajeni teksa numëroni deri në 5 dhe merrni frymë. Relaksohuni.

Përkulja e trupit është një tjetër qëndrim lehtësues për t’ju ndihmuar të forconi muskujt e vitheve dhe shpinës.

Qëndroni me këmbët e hapura në gjerësinë e shpatullave. Vendosni duart në kofshët e sipërme dhe përkulni pak gjunjët.

Ngadalë përkuluni në ijë. Shtyni ijet mbrapa dhe mbajini supet lart. Sigurohuni që shpina të jetë drejt.

Qëndroni në këtë pozicion derisa të keni mbaruar numërimin deri në , pastaj drejtohuni.

(Kosova Sot Online)