Sot mjegull dhe ftohtë, temperatura nga -4 deri në 8 gradë

  • 12 February 2018 - 10:58
Sot mjegull dhe ftohtë, temperatura nga -4 deri në 8 gradë

Instituti hidrometeorologjik i Kosovës ka njoftuar se gjatë pesë ditëve vendi ynë do të ndikohet nga masat e ajrit me presion stabil atmosferik

Sot në mëngjes, mbi vendin tonë do të jetë mot me mjegull dhe i ftohtë kurse gjatë ditës do të jetë kryesisht me re dhe pa reshje. 

Temperatura e mëngjesit do të jetë nga -4 në një, kurse ajo më e larta e ditës prej katër deri në 8 gradë.

“Vranësirat nga pasditja e së martës dhe të mërkurën do të shoqërohen me reshje shiu të përziera me borë, kurse në viset e larta do të ketë reshje bore. 

Temperaturat minimale do të lëvizin ndërmjet -4 deri 0 gradë Celsius, ndërsa maksimalet e ditës parashihen të lëvizin ndërmjet 4-6 gradë Celsius. 

Do të fryjë erë nga drejtimi i juglindjes dhe verilindjes me shpejtësi 1-6m/s”, thuhet në njoftimin e Institutit.

(Kosova Sot)