Shefja e BE’së reagon pas miratimit të rezolutës për dialogun

  • 15 December 2018 - 23:20
Shefja e BE’së reagon pas miratimit të rezolutës për dialogun

Shefja e BE-së në Kosovë, Natalya Apostolova ka reaguar për projekt-rezolutën e miratuar sot në Kuvendin e Kosovës.

Ajo e ka përgëzuar Kuvendin e Kosovës për votimin e sotëm, dhe marrjen e përgjegjësisë për dialogun me Serbinë.

Apostolova ka shtuar se Kosova duhet të sigurohet që të ketë një qasje gjithëpërfshirëse në këtë proces.

“E përgëzoj Kuvendin e Kosovës për votimin e sotëm në marrjen e përgjegjësisë për një proces kaq të rëndësishëm si dialogu me Serbinë. Kosova duhet të sigurohet që të ketë një qasje gjithëpërfshirëse në këtë proces”, ka shkruar Apostolova.

Kuvendi i Kosovës ka miratuar projekt-rezolutën e propozuar nga Partia Socialdemokrate, lidhur me fazën finale të dialogut me Serbinë.

Projekt-rezoluta e PSD-së ku e cila ka kaluar me 59 vota pro dhe 2 abstenime.

Shpend Ahmeti dhe Fatmir Limaj do të jenë bashkëdrejtues të këtij delegacioni. Ndërsa si anëtarë do të jenë edhe Enver Hoxhaj, Avni Arifi, Behgjet Pacolli, Mahir Jagcilar, Dardan Gashi, si dhe një përfaqësues i shoqërisë civile.

 

(Kosova Sot)