Gjendet 15 vjeçarja nga Prishtina e zhdukur që dy javë

Për më shumë se dy javë e zhdukur vajza 15-vjeçare Edona Vllasaliu nga Hajvalia e Prishtinës është gjetur sot në Ferizaj. Babai i saj, Lulzimi, e ka konfirmuar, se vajzën e ka gjetur dhe e njejta është mirë me shëndet.

Edona Vllasaliu është zhdukur që nga data 13 mars. Sipas babait të saj, ajo nuk ka pasur asnjë problem, ka qenë nxënëse e mirë dhe pasi e ka përfunduar orarin e shkollës atë ditë nuk është kthyer në shtëpi. Pas më shumë se dy jave ajo është gjetur shëndosh e mirë në Ferizaj.

 “Po është gjetë, në Ferizaj. Mirë me shëndet, nuk tha kurgjo…”, tha babai i saj.

Ai tha se vajza e tij kishte qëndruar në Shtime në shtëpinë e një djalit, të cilin gjatë ditës së sotme e ka takuar edhe ai. Ndërsa, tani vajza është kthyer në shtëpi.

“Me një djalë të Shtimës ka qenë, më çoi në shtëpinë e tij, tash çika është te unë”, tha ai.

Rasti ishte lajmëruar në polici një ditë pas largimit të saj nga shtëpia

(Kosova Sot)