Për një javë, 12 persona të ndaluar në Gjilan

Prokuroria Themelore në Gjilan, gjatë javës së kaluar ka ndaluar 12 persona me dyshimin se kanë kryer vepra penale.

“Nga Departamenti për Krime të Rënda, janë ndaluar 3 (tre) persona, nga Departamenti për të Mitur është ndaluar një i mitur, si dhe nga Departamenti i Përgjithshëm janë ndaluar 8 persona të dyshuar”, thuhet në komunikatë.

Prokuroria ka paraqitur kërkesat për caktimin e masës së paraburgimit ndaj të dyshuarve në afat prej 30 ditësh.

Ata akuzohen për këto vepra penale: ‘’Kanosje’’, ‘’Pengim i personit zyrtar në kryerjen e detyrave zyrtare’’, ‘’Posedim i paautorizuar i narkotikëve, substancave psikotrope ose analoge’’, ‘’Rrezikim i trafikut publik’’, ‘’Vjedhje e rëndë’’, ‘’Ndihma në kryerjen e veprës penale vjedhje e rëndë’’ dhe ‘’Mashtrim’’, të Kodit Penal të Republikës së Kosovës (KPRK).

(Kosova Sot)