Haradinaj: 1 Maji është rast i mirë për të reflektuar për uljen e papunësisë
Kryeministri i Kosovës, Ramush Haradinaj, ka uruar 1 Majin, Ditën Ndërkombëtare të Punëtorëve.
Haradinaj thotë se janë të vetëdijshëm që kanë ende shumë për të bërë për realizmin e të drejtave të punëtorëve.
Përmes Facebook-ut, Haradinaj ka thënë se si qeveri janë të vendosur që ë ndërmarrin veprime për përmirësimin e gjendjes së përgjithshme të punëtorëve.
“Dita Ndërkombëtare e Punëtorëve është rast i mirë për të reflektuar se si të vendosim një bashkërendim ndërmjet punëtorëve dhe punëdhënësve, në partneritet me sindikatat dhe politikën, për uljen e papunësisë dhe që Kosova të ketë një treg të konsoliduar të punës. Ndonëse vendi ynë ka një rritje ekonomike prej 4.7% me tendencë rritjeje të vazhdueshme, jemi të vetëdijshëm se ende kemi shumë punë që të drejtat e punëtorëve të realizohen në plotni, duke zbatuar Ligjin e Punës dhe garantim të sigurisë në punë”, ka shkruar Haradinaj.
(Kosova Sot)