Ndodh edhe kjo: Një kandidat bën fushatë elektorale në Pornhub

Joachim B. Olsen, një ish atlet olimpik, ka vendosur të mbledhë mbështetjen elektorale duke vendosur reklama në fund të filmave pornografikë.
Misioni i një fushate elektorale është të mbledhë mbështetjen me një mesazh të guximshëm dhe origjinal. Dhe Joachim B. Olsen, ish peshëngritës danez me Partinë Liberale, duket se ka pasur sukses në sponsorizimin e madh që ka bërë në një nga faqet më të mëdha pornografike, Pornhub, për zgjedhjet e ardhshme në Danimarkë. 

Kështu, në mes të një videoje pornografike, një slogan potencial shfaqet për votuesit e mundshëm: 
“Kur të përfundoni duke luajtur videon, votoni për Lokki”.“Gjysma e internetit është pornografike, dhe ka kaq shumë njerëz në këto kanale, kështu që mendova se mund të ishte argëtuese për të reklamuar në një faqe pornografike”. 41-vjeçari, i cili u bë i famshëm në vend për të fituar argjendin në Lojërat Olimpike të Athinës 2004, tani është kandidat në Partinë Liberale për një vend në parlamentin danez pas zgjedhjeve të 5 qershorit.

Propozimi i tij u përshëndet me qeshje dhe skandal, por ai siguron: “Unë e di se shumë do të shqetësohen, asgjë nuk mund të thuhet tani pa ndonjë të zemëruar. Si politikan unë jam një njeri serioz, por këtë fushatë unë bëra për të qeshur “Unë kam një ndjenjë të humorit dhe dua të kënaqem. Njerëzit janë të lodhur nga posterat e zgjedhjeve të zakonshme dhe fjalimet e zakonshme.”

(Kosova Sot Online)