PDK s’kishte votuar për të kompensuar gratë e dhunuara, Flora Brovina u kërkonte dëshmi
Opinioni u tmerrua nga dy fotografi që deputetja e PDK-së, Flora Brovina vendosi të shpalosë para mediave. Për terrorin serb gjatë luftës, tregon më së miri ajo pamje ku shihet një e re kosovare që dhunohet nga tre ushtarë ose paramilitarë serbë. Pak orë më vonë, Brovina shpalosi edhe një foto të një 7-vjeçares së dhunuar. PDK vendosi që sot pas një heshtje 20 vjeçare të ngrit zërin për gjenocidin mbi kosovarët. Këta të fundit, vite më parë patën qenë shumë të zëshëm kundër kompenzimit të personave që u përdhunuan gjatë luftës. Nismën e patën kundërshtuar edhe me votë në Kuvend
Hiç më pak se 14 deputetë të Partisë Demokratike të Kosovës, kishin bashkuar forcat vite më parë me deputetët serb, për të penguar kështu ndryshimin e Ligjit për t’i futur edhe personat e përdhunuar gjatë luftës në mesin e viktimave që iu takon kompensimi.
Edhe pse edhe atë herë në pushtet, PDK pati dhënë më së shumti vota duke kundërshtuar nismën, atëherë ishte bërë edhe publike lista e deputetëve që votuan, e për këtë partia në fjalë mori shumë kritika.
Ndryshimi i ligjit ishte bërë i mundur vetëm me katër vota më shumë. Që nga atëherë personat e dhunuar seksualisht në luftë marrin ndihmë materiale, njëjtë si të gjitha kategoritë e tjera të dala nga lufta.
Deputetët kishin kundërshtuar atëherë nën arsyetimin se së pari duhet të konstatohej se çfarë dokumente duhet të kërkohën për të vërtetuar këtë abuzim. Vetë Flora Brovina i kishte quajtur të çuditshme të dhënat nga organizatat ndërkombëtare.
Shaip Muja i PDK-së, kishte kërkuar ekzaminimin e grave të dhunuara, duke thënë se mund të paraqiteshin për të marrë pension gratë që nuk u kishte ndodhur dhunimi.
Këta po dalin me qëndrime ndryshe sot, kur në Kuvend të Kosovës po diskutohet për luftën e fundit. Me iniciativë të krye parlamentarit Kadri Veseli në Kuvend të Kosovës po diskutohet për themelimin e një Tribunali ku do të gjykohen krimet dhe gjenocidi serb.
Deputetja e partisë që kundërshtonte kompensimin e të dhunuarve gjatë luftës, Flora Brovina, si për çudi vendosi sot që të kërkojë mbështetje duke publikuar fotografi që tregojnë mizoritë serbe.
Media sjell të plotë listën e personave që votuan kundër futjes në ligj të grave të përdhunuara gjatë luftës janë:
1. Shaip Muja – PDK
2. Elmi Reçica – PDK
3. Latif Gashi – PDK
4. Bekim Haxhiu – PDK
5. Zenun Pajaziti – PDK
6. Fadil Demaku – PDK
7. Adem Grabovci – PDK
8. Fatmir Xhelili – PDK
9. Halit Krasniqi – PDK
10. Ramë Vataj – PDK
11. Ramiz Ladrovci – PDK
12. Blerta Deliu Kodra – PDK
13. Salihe Mustafa – PDK
14. Safete Hadergjonaj – PDK
15. Naser Osmani – LDK
16. Ukë Rugova – Lista Rugova
17. Muzejene Selmani – AKR
18. Sevdije Rama – AKR
19. Petar Miletië – SLS
20. Jelena Bontië – SLS
21. Jasmina ëvkovië – SLS
22. Biserka Kostië – SLS
23. Saša Milosavlevië -SLS
24. Müfera ëinik – KDTP
25. Murselj Haljilji – GIG
26. Gëzim Kelmendi – AKR
27. Boban Todorovië – SLS
28. Fikrim Damka – KDTP
29. Milivoje Stojanovië – SLS
(Kosova Sot Online)