Shpërthen Haziri: Turp, turp, turp...
Lidhur me seancën e djeshme të Kuvendit të Kosovës, dhe iniciativën e dështuar të Kadri Veselit, ka reaguar analisti politik Nexhat Haziri i cili e quajti atë një shfaqje turpi dhe hiq me pak.
“Fillimisht dua të them se është e trishtë të jetosh në një vend apo ti takosh një shoqërie pjesë e së cilës janë edhe Kadri Veseli, Flora Brovina dhe shumë të tjerë nga ky taraf. Ajo që ndodhi dje në kuvendin e Kosovës është e pa riparueshme për çdo shoqëri normale, e që në fakt dje treguam se ne nuk jemi e tillë”, tha Haziri për “Kosova Sot Online”. Ai ka shtuar se nxjerrja e një fotoje të tillë, edhe për të dëshmuar këto krime, nëse do të ishte autentike, në formën e cila u ekspozua përbën mos respekt dhe mos solidaritet me viktimën.
Kjo lojë nuk mbulon sipas Hazirit harresën 20 vjetarë për tu marr institucionet e Kosovës me krimet e luftës por për më tepër mundë edhe të penalizohet si veprim. “Përtej kësaj tani pas 20 viteve ti nxjerrësh këto dëshmi dhe të deklarosh se e ke nga vitit 2002, sërish përbën vepër penale, fshehje të dëshmisë dhe mos kallëzim të krimit. Por turpi, sikur nuk mbeti vetëm më kaç, fotografia doli e rremë, shfaqja e së cilës ka bërë një akt të dytë të dhunimit të viktimave dhe u tentua të manipulohet opinion publik për qëllime elektorale.”, tha Haziri për “Kosova Sot Online”.
Me këtë akt sikur dëshiruan ti ndihmojnë Serbisë në në kampanjën që ajo ka nisur për mohimin e krimeve të bëra në Kosovë. “Shfaqja e këtij turpi në seancën e të së enjtes tregoi edhe një herë, se të ashtuquajturit krahu I luftës, janë të gatshëm të përdhosin çdo vlerë, të shkelin mbi çdo viktimë, mbi çdo sakrificë vetëm e vetëm për ta vazhduar sundimin e tyre mbi Kosovën për interesat e tyre mafioze, e jo për të kërkuar llogari nga Serbia për vrasjet e dhunimet dhe krimet e tjera që bëri gjatë luftës në Kosovë.
Pas kësaj shfaqje të turpshme me skenar të Kadri Veselit dhe partive në pushtet, nuk mjafton vetëm dorëheqja e deputetes Flora Brovina, por unë mendoj se kjo legjislaturë ka humbur sensin e funksionimit të sajë të mëtutjeshëm, dhe këtij turpi I vuhet kapaku, siç thotë një fjalë popullore, vetëm më shpërndarjen e kuvendit dhe shkuarjen në zgjedhje. Kosovës nuk I duhen institucione të degraduar politikisht dhe moralisht”, tha Haziri për “Kosova Sot Online “.
(Kosova Sot Online )
