Kadaj: Takimi Haradinaj-Merkel për liberalizim të vizave

Deputetja e AAK’së, Donika Kadaj Bujupi ka deklaruar se takim i kryeministrit të Ramush Haradinaj me kancelaren gjermane, Angela Merkel ka për qëllim liberalizimin e vizave dhe është kundër ndarjes së Kosovës.

Ajo tha se takimi i nesërm në mes tyre është fuqizim i besimit të ndërsjellë për politikat kundër ndarjes së Kosovës.

Tutje ajo shtoi se kjo është politika që fitoj besimin e partnerëve dhe miqve ndërkombëtarë, politika e atdhedashurisë, dinjitetit në raport me fqinjët dhe evropianizimit të rajonit.

Postimi i plotë:

TAKIMI HARADINAJ-MERKEL : KUNDËR NDARJES SË KOSOVËS DHE PËR LIBERALIZIMIN E VIZAVE.

Takimi i nesërm i Kryeministrit Ramush Haradinaj me Kancelarën gjermane Angela Merkel në Berlin është fuqizim i besimit të ndërsjellë për politikat kundër ndarjes së Kosovës.

Mbrojtja e kufijve të Kosovës rezulton së shpejti edhe me heqjen e barierave kufitare në lirinë e lëvizjeve të njerëzve dhe mallrave, me liberalizimin e vizave.

Ruajtje të integritetit territorial dhe anëtarësim euro-atlantik. Njohja nga Serbia si parakusht për politikat tarifore ekonomike dhe doganore me fqinjët.

Kjo është politika që fitoj besimin e partnerëve dhe miqve tanë ndërkombëtar. Politika e atdhedashurisë, dinjitetit në raport me fqinjët dhe evropianizimit të rajonit.

(Kosova Sot Online)