Delegacioni shtetëror më rol dytësor në dialog

Delegacioni shtetëror pa rol udhëheqës në dialogNë ekipin që do ta përfaqësojë Kosovën në Samitin e Parisit do të ftohen vetëm për “dekor” bashkëdrejtuesit e Delegacionit shtetëror për negociatat me Serbinë, Fatmir Limaj e Shpend Ahmeti.

Ekipi që do të udhëtojë për në kryeqytetin e Francës do të udhëhiqet nga lidershipi shtetëror.

Në Qeveri kanë treguar se përfaqësimi do të bëhet sipas hierarkisë.

“Në takimin e Parisit, nga Kosova do të udhëtojnë: presidenti, kryeministri, kryeparlamentari dhe bashkëkryesuesit e Delegacionit shtetëror, Limaj dhe Ahmeti”, ka thënë Donjeta Gashi, këshilltare për media e kryeministrit Ramush Haradinaj. “Sa i përket kryesimit, ju e dini besoj që Protokolli Shtetëror e përcakton hierarkinë”.

Mbështetur në Ligjin për protokollin, presidenti përfaqëson autoritetin më të lartë në Kosovë, kryetari i Kuvendit është autoriteti i dytë në radhën e përparësisë, ndërsa pas tij është kryeministri, si rangu më i lartë i pushtetit ekzekutiv.

Ndërkaq, një rezolutë që këtë vit e ka miratuar Kuvendi përcakton që Delegacioni shtetëror për negociatat me Serbinë “do të jetë entiteti/organi i vetëm i autorizuar për t’u angazhuar në procesin e dialogut” dhe se ai “do ta mbajë të drejtën ekskluzive të komunikimit dhe interpretimit publik të procedimeve, përmbajtjes dhe arritjeve në procesin e dialogut.

Por ky delagacion ka mbetur nënë hijen e përplasjve në mes të Kryeministri Haradinaj dhe Presideitit Thaçi, të cilet kanë shfaquar dy rrugë të ndryshme, ku i pari mbështe fort vendosjen takses dhe mos prekshmërn e kufinjëve, kurse i dyti elaboron temen e shkëmbimit të territorve dhe çdo dy jave gjuanë një tezë në opinion. 

(Kosova Sot Online)