Arrestohet i dënuari Svetozar Petroviq i njohur si “Llaki Arambasha”. I akuzuar edhe për dhunën në Kuvend
Mbrëm rreth orës 21:30 minuta policia ka arrestuar Svetozar Petroviqin, i dënuar me 18 muaj burg për “identifikim të rrejshëm”.
Petroviq i njohur si “Llaki Arambasha” ishte i kërkuar me flet-arrest derisa për një kohë të gjatë ndodhej në arrati.
Në bazë të informacioneve operative, policia e ka lokalizuar në një shtëpi në lagjen Kisella Vodë të Shkupit në afërsi të objektit të Komunës dhe për shkak të vendimit të plotfuqishëm menjëherë është dërguar në burgun e Idrizovës.
“Llaki Arambasha” ishte njëri ndër organizatorët e protestave “Për Maqedoni të përbashkët” ndërsa ndaj tij Prokuroria për krim të organizuar dhe korrupsion ka ngritur akuzë edhe për organizmin e dhunës së 27 prillit 2017 në Kuvend.
Njihet si njeri i afërt i Todor Petrovit, kryetarit të Kongresit Botëror Maqedonas, shkruan Alsat.
Disa her ka qenë i denoncuar në polici për gjuhë të urrejtjes në rrjetet sociale.
(Kosova Sot Online )