Goditet me predhë shtëpia e një qytetari në Gjakovë
Një qytetar nga Gjakova ka raportuar në polici se një pjesë e shtëpisë së tij është goditur nga një predhë.
Policia ka shkuar në vendin e ngjarjes ku edhe ka gjetur një predhë e armës së zjarrit.
“Ankuesi mashkull K/Shqiptar ka raportuar se nga një predhë është goditur një pjesë e shtëpisë së tij. Nuk raportohet për të lënduar”, thuhet në raportin zyrtar të Policisë së Kosovës.
“Në vendin e ngjarjes është gjetur dhe konfiskuar një predhë e armës së zjarrit. Rasti vazhdon të hetohet.”
Rasti është cilësuar si “shkaktim i rrezikut të përgjithshëm dhe gjuajtje me armë zjarri”.
(Kosova Sot Online)