Haradinaj i prekur nga vrasja e nënës së këshilltares së tij

Kryeministri në dorëheqje, Ramush Haradinaj për vrasjen nënës së këshilltares së tij, Armenda Aliut. 42 vjeçarja dyshohet se u vra nga burri i saj pas një mosmarrëveshje.

Haradinaj ka thënë se është thellë i vdekur nga vdekja e Armenda Aliut, derisa u ka shprehur ngushëllime familjes dhe miqve.

“Thellë i prekur nga vdekja tragjike e Armenda Aliut, mikes sonë dhe nënës së koleges nga kabineti Diellza Hoti. Ngushëllime familjes dhe miqve. I qoftë i lehtë dheu i Kosovës!”, ka shkruar Haradinaj në Facebook.

Ndryshe, gruaja që u vra sot në Prizren, me 15 plumba, nga burri i saj, është nëna e nënkryetares së AAK-së e këshilltare politike e kryeministrit në largim Ramush Haradinaj, Diellza Hotit. Hoti është edhe kryetare e rinisë në këtë parti.

Lajmin për këtë e ka bërë të ditur vetë Hoti përmes një fotografie të cilën e ka shpërndarë në rrjetin social Instagram.

“Pusho e qetë në paqe mami jem, engjëlli jem”, ka shkruar vajza e të ndjerës.

Deri më tani mësohet se 42-vjeçarja u vra pas një mosmarrëveshjeje që pati me burrin e saj 20 vjet më të vjetër, 61-vjeçarin B.V., me të cilin kishte disa vite martesë.

Të dy këta kishin ardhur nga Zvicra për pushime.

(Kosova Sot Online)