Përleshje me thika në Prishtinë, një person lëndohet rëndë

Pasditen e sotme në Prishtinë ka ndodhur një përleshje fizike si pasojë e së cilës një person ka marrë lëndime të rënda.

Lajmin për media e ka konfirmuar Zëdhënësja e Policisë për Rajonin e Prishtinës, Florie Ahmeti, e cila ka dhënë detaje nga ky rast.

“Sot rreth orës 16:00, kemi pranuar informatën për një përleshje në rrugën “Ahmet Krasniqi “në Prishtinë. Në këtë përleshje një person ka pësuar lëndime të rënda trupore (nga arma e ftohtë -thikë)”, ka thënë Ahmeti.

Ajo ka bërë të dkitur se personi i lënduar është dërguar për tretman mjekësor, ndërkohë që policia ka arritur të identifikojë personat e dyshuar dhe janë në kërkim të tyre.

(Kosova Sot Online)