Thaçi pranon letrat kredenciale nga ambasadorja e re e Francës

Presidenti i Republikës së Kosovës, Hashim Thaçi ka pranuar letrat kredenciale nga ambasadorja e re e Francës, Marie Christine Butel. Zyra e Presidentit përmes një njoftimi për media ka treguar se Thaçi i ka thënë Christine Butelit se Kosova është mirënjohëse për mbështetjen që Franca ia jep Kosovës.

“Presidenti Thaçi ka shprehur mirënjohjen për kontributin e madh të shtetit të Francës nëpër të gjitha proceset nëpër të cilat ka kaluar Kosova” thuhet në njoftim. 

Ndërsa ambasadorja e re e Francës, Marie Christine Butel ka shprehur gatishmërinë e shtetit të Francës për vazhdimin e thellimit të marrëdhënieve me Kosovën.

Presidenti Thaçi ka shtuar se forcimi i shtetit të Kosovës i ka rrënjët në mbështetjen e Francës dhe partnerëve perëndimorë.

(Kosova Sot Online)