Shefi i OKB-së njofton për krijimin e një komiteti kushtetues për Sirinë

Sekretari i përgjithshëm i Kombeve të Bashkuara, Antonio Guterres, njoftoi për formimin e një komiteti kushtetues për Sirinë, i cili do të përfshijë përfaqësues të qeverisë dhe opozitës.

Komiteti do të “ndërmjetësohet nga Kombet e Bashkuara në Gjenevë”, u tha Guterres gazetarëve, duke shtuar se ai do të mblidhet në javët e ardhshme.

Ai tha se beson fuqishëm se ky komitet, i organizuar dhe udhëhequr nga Siria, mund të jetë fillimi i zgjidhjes së konfliktit mbi tetëvjeçar në Siri.

Mbi 400,000 njerëz janë vrarë dhe miliona të tjerë janë zhvendosur që nga fillimi i luftës civile në këtë vend, në mars të vitit 2011.

Lufta ka shpërthyer pas protestave kundër sundimit të presidentit sirian, Bashar al-Assad.

Rusia dhe Irani i kanë ofruar mbështetje të madhe Assadit gjatë gjithë luftës.

(Kosova Sot Online)