Lëshohet viza e parë në Ambasadën Amerikane
Ambasada Amerikane në Kosovë ka bërë të ditur se sot kanë lëshuar vizën e parë.
Përmes fotografie të publikuar në faqen zyrtare të ambasadës në Facebook, është shkruar urime për marrësin e vizës nga Ambasada Amerikane në Prishtinë.
“Ky është lajmërim se nga sot e tutje të gjitha shërbimet në lidhjet me vizat do të kryhen në Kosovë”, shkruhet në këtë njoftim.
Ambasada e Shteteve të Bashkuara të Amerikës në Prishtinë duke filluar nga sot ka njoftuar se në ndërtesën e re të kësaj ambasade në kryeqytet do të jepen të gjitha llojet e vizave.
Para ndërtimit të kësaj ambasade të re, shtetasit e Kosovës ishin të detyruar t’i drejtoheshin Shkupit për të aplikuar për viza.
Congrats to the first NIV recipient from U.S. Embassy Kosovo IN Pristina! Rrugë të mbare/Srecëan put. This is a reminder from today onwards all visa related services are now being fulfilled in Kosovo.
Posted by U.S. Embassy Pristina, Kosovo on Tuesday, October 1, 2019
(Kosova Sot Online)
