Burra që rrahin gratë, për 24 orë tri raste në Kosovë
Policia e Kosovës ka njoftuar përmes raportit 24 orësh se vetëm dje në Kosovë janë arrestuar tre persona për dhunë në familje.
Rasti i parë është raportuar në Prishtinë, mbrëmë rreth orës 21:00.
“Është arrestuar i dyshuari mashkull K/Shqiptar, pasi që i njëjti pas një mosmarrëveshje, ka ushtruar dhunë fizike dhe psikike ndaj viktimës femër K/Shqiptare. I dyshuari pas intervistimit me vendim të prokurorit është dërguar në mbajtje . Rasti është duke u hetuar”, thuhet në njoftim të policisë.
Rasti tjetër ndërkaq është raportuar poashtu në kryeqytet. Polica e Kosovës ka njoftuar se pas një mosmarrëveshje një person e ka sulmuar fizikisht bashkëshorten e tij. I njejti me vendim të prokurorit është dërguar në mbajtje.
“Është arrestuar i dyshuari mashkull K/Shqiptar pasi që i njëjti pas një mosmarrëveshje e ka sulmuar fizikisht bashkëshorten e tij viktimën femër K/Shqiptare. I dyshuari pas intervistimit me vendim të prokurorit është dërguar në mbajtje. Rasti është duke u hetuar”, shkruhet në njoftim të policisë.
Rasti i tretë ndërkaq është raportuar në Komunën e Fushë Kosovës.
“Është raportuar se i dyshuari mashkull K/Shqiptar pas një mosmarrëveshje e ka sulmuar fizikisht bashkëshorten e tij viktimën femër k/Shqiptare. Viktima ka pranuar trajtim mjekësor ndërsa i dyshuari pas intervistimit është liruar në procedurë të rregullt. Rasti është duke u hetuar”, shkruhet në njoftim të policisë.
(Kosova Sot Online)