Reagon Ilir Deda ka disa fjalë për Albin Kurtin dhe Vjosa Osmanin

Ish-deputeti Ilir Deda ka reaguar menjëherë pasi dolën sondazhet e para të zgjedhjeve që u mbajtën sot.

Deda thotë se ndjehet krenar që qytetarët e Kosovës ‘besuan se erdhi dita’, ndërsa shton se tash dy kandidatët e LDK’së dhe Vetëvendosjes për kryeministër, Vjosa Osmani dhe Albin Kurti, kanë përgjegjësi për ndryshim radikal.

Shkrimi i plotë i Dedës:

Qytetarët e Kosovës besuan që erdhi dita, a po i bjen kështu diqysh? BRAVO popullit tonë që në 20 vjetorin e lirisë e hapi një kapitull të ri, më të mirë, duke e mbyllur kapitullin e errët të qeverisjeve të këqija kleptokratike.

Populli e tha të vetën. LDK dhe VV – Albini dhe Vjosa kanë pëgjegjësi të përbashkët historike për ndryshim radikal qeverisës, për standard të ri, për zhvillim, për drejtësi. Dinjitetin e votuesve duhet ta bartin me politikë të re, politikë të përgjegjshme.

Populli dinjitoz me shtet dinjitoz. Të dua Kosovë! ë

(Kosova sot Online)