Gruaja e Xhemajl Mustafës rrëfen për vrasjen e bashkëshortit: Në shkallë pashë shumë gjak, dhe...

24 November 2019 - 10:02

Ja si kishte raportuar AP në vitin 2000 për vrasjen e Xhemajl Mustafës

Një ndihmës i afërt me liderin e Kosovës, Ibrahim Rugova, u qëllua për vdekje në shkallët e ndërtesës së banesës së tij të enjten në një sulm, duke sinjalizuar kështu rritjen e dhunës të motivuar politikisht.

Burime brenda partisë politike të Rugovës konfirmuan se Xhemajl Mustafa ishte vrarë jashtë banesës së tij në ndërtesën e Prishtinës ku jetonte.

Dëshmitarët okularë thanë që Mustafa kishte pësuar plagë masive në kokë.

Paqeruajtësit e drejtuar nga NATO dhe policia e Kombeve të Bashkuara dolën në vendin e ngjarjes dhe mbetën atje gjatë gjithë ditës, duke mbledhur prova.

Lidhja Demokratike e Kosovës e Rugovës kishte mposhtur udhëheqësit e UCK-së në zgjedhjet komunale muajin e kaluar.

Zyrtarët ndërkombëtarë kishin shprehur shqetësimin në atë kohë që disa nga humbësit në ato zgjedhje mund të mos respektojnë rezultatet.

Mustafa ishte një politikan i njohur shqiptar i Kosovës, i cili drejtonte Qendrën e Informimit të Kosovës.

"Unë isha në shtëpi kur papritmas dola në ballkon dhe pashë një turmë njerëzish të mbledhur në hyrje të apartamentit. Unë kisha një ndjenjë shumë të keqe. Pastaj unë zbrita shkallët për të parë se çfarë ndodhi dhe pashë fqinjët e mi që dukeshin të tronditur. Pastaj në shkallët pashë gjak, kishte shumë gjak”, kishte deklaruar Bahrije Mustafa, bashkëshortja e Xhemail Mustafës.