“Vetëm kjo e shpëton Kosovën”, vjen thirrja për Vetëvendosjen dhe LDK-në

“Vetëm nëse bëhet ligji Veting, do të dëshmohet nga kjo klasë politike që do të vij tani në pushtet se me të vërtetë janë të përkushtuar për luftimin e krimit të organizuar dhe për ta ndërtuar shtetin që është në prag të rrezikut, për tu rrënuar. Ligji Veting është treni i fundit për neve për ta zënë hapin e humbur dhe shpëtuar shtetin”, tha Miftari për “Kosova Sot Online”.

Njohësit e fushës së sundimit të ligjit, po e shohin me shqetësim të madh kapjen e sistemit të drejtësisë nga mafio-politika dhe krimi i organizuar, ku e gjitha garnitura në këtë sistem, prokurorët dhe gjyqtarët, sillen mbi ligjin, duke pas edhe përkrahjen e pushtetarëve.

Madje sipas analistëve, ata as nuk lodhen të punojnë për çka paguhen, por vetëm për atë se çka i porosisin pushtetarët e inkriminuar dhe i paguan nëntoka kriminale.

Për këtë gjendje alarmante në sistemin e drejtësisë, për “Kosova Sot Online” ka folur njohësi i fushës së sigurisë, Naim Miftari.

Sipas Miftarit, nuk ka formulë tjetër të pastrimit të drejtësisë dhe kthimit të sundimit të ligjit në binarët e drejtë, përveç zbatimit pa vonesë të ligjit Vetting, ligj të cilin e ka për obligim ta sjell qeveria e re.

“Sjellja e prokurorëve dhe e gjyqtarëve tërësisht mbi ligjin, dukje e shkelur atë vazhdimisht, vetëm e tregon faktin se si shteti dhe të gjitha institucionet, drejtësia, policia, AKI, prokuroria, janë institucione të kapura nga krimi i organizuar dhe nga bosët e korruptuar politik. Mungesa e disiplinës e tregon se edhe KPK dhe KGJK si organe kontrolluese të gjykatave dhe prokurorive janë po ashtu organe të kapura nga krimi i organizuar përmes politikanëve të korruptuar”, tha Miftari për “Kosova Sot Online”.

Sipas Miftarit, derisa edhe KPK dhe KGJK janë të instrumentalizuara nga krimi dhe politika e inkriminuar, atëherë nuk mundë të flitet për përgjegjësi dhe llogaridhënie individuale as për prokurorët dhe as për gjyqtarët e Kosovës.

“Kjo gjendje tregon se nëse nuk bëhet urgjent një fshesë, VETING i përgjithshëm për ti dezinfektuar këto organe nga krimi i organizuar, duke filluar nga gjyqësia, policia, prokuroria, AKI, për të vepruar urgjent nga Qeveria e re që është në ardhje, atëherë krimi dhe korrupsioni do të vazhdojnë dhe rrënojnë edhe qeverinë në ardhje. Nëse as Qeveria e ardhshme nuk do të ketë sukses që shtetin e Kosovës ta bëj një shtet ligjor dhe shtet funksional, duke i pastruar organet dhe institucionet e shteti të kapura nga Hashimat, Kadriat, Ramushat, Isat e Fatmirat, Kosova, shteti i jonë për të cilin aq shumë kemi investuar në luftë e në paqe, do të dështoj totalisht siç po dështon secili institucion që nga pas pavarësie, çdo ditë e më shumë. Vetëm nëse bëhet ligji Veting, do të dëshmohet nga kjo klasë politike që do të vij tani në pushtet se me të vërtetë janë të përkushtuar për luftimin e krimit të organizuar dhe për ta ndërtuar shtetin që është në prag të rrezikut, për tu rrënuar. Ligji Veting është treni i fundit për neve për ta zënë hapin e humbur dhe shpëtuar shtetin”, deklaroi Naim Miftari për “Kosova Sot Online”.

(Kosova Sot Online)