Mustafa priti në takim lamtumirës ambasadorin italian
Sot, kryetari i LDK-së, Isa Mustafa priti në takim lamtumirës ambasadorin e Italisë në Kosovë, Piero Cristoforo Sardi.
Gjatë takimit, Mustafa e falënderoi ambasadorin Sardi për bashkëpunimin e mirë dhe të suksesshëm me institucionet e vendit gjatë mandatit të tij në Kosovë dhe i uroi suksese në të gjitha angazhimet e ardhshme.
Njëherësh, Mustafa e njoftoi Sardin edhe për zhvillimet e negociatave LDK-LVV drejt bashkëqeverisjes.
Sardi e falënderoi kreun e LDK-së për pritjen dhe bashkëpunimin.
(Kosova Sot Online)
