Mblidhet LDK-ja, çka do të diskutohet
Lideri i Lidhjes Demokratike të Kosovës, Isa Mustafa ka thirrur sot në një takim të gjithë kryetarët e degëve.
Në këtë mbledhje të kryetarëve pritet të diskutohet rreth situatës aktuale në vend, pas zgjedhjeve të gjashtë tetorit.
Tashmë në zyrat e LDK-së kanë filluar të mblidhen kryetarët e degëve dhe pritet që brenda minutave të fillojë edhe takimi.
Takimi në fjalë do të mbahet saktësisht në kohën kur partia e Mustafës si dhe Lëvizja Vetëvendosje nuk po arrin të lidhin koalicionin për qeverisjen e re të vendit, pavarësisht takimeve të shumta të cilat zhvilluan.
(Kosova Sot Online)