Ja kush thotë: “Arsyet i di vetëm ai”, Thaçi është fajtor që s’po arrihet marrëveshja

  • 19 janar 2020 - 21:41
Ja kush thotë: “Arsyet i di vetëm ai”, Thaçi është fajtor që s’po arrihet marrëveshja

Zyrtari i Vetëvendosjes dhe kryetari i Mitrovicës, Agim Bahtiri, ka bërë një gjetje mjaftë interesante, pasi që sipas tij Presidenti i vendit, Hashim Thaçi është ai që po pengon arritjen e koalicionit mes LDK’së dhe VV-së.

Ani pse liderin e Vetëvendosjes, Presidenti Thaçi po e fton çdo ditë të formojë qeveri e të bëhet kryeministër, bashkë-partiaku i Albin Kurti po e fajëson pikërisht kryetarin e vendit.

Sipas Bahtirit, Presidenti Thaçi është fajtori për mosarritjen e marrëveshjes, për ‘arsye që i di vetëm ai’.

“Krejt këtë proces e zgjatjes është presidenti. E din shumë mirë për çka. Secili njeri që mundet me kontribu për një marrëveshje është i mirëseardhur dhe i domosdoshëm”, ka thënë ai.

Tutje, kryetari I Mitrovicës thotë se koalicioni do të bëhet shumë shpejt, pasi që ky proces do të ecë përpara.

“Ky proces duhet të ecë përpara, unë mendoj se të gjithë ata aktivistë të dy krahëve, të ulen dhe t’i ulin tensionet, të duan vendit, mendoj se kjo do të ndodhë shumë shpejt”, tha ai.

Kujtojmë se presidenti Thaçi sot ka deklaruar se e ka nënshkruar vendimin për të emëruar Albin Kurtin kryeministër të vendit. 

(Kosova Sot Online)