Merkel: Në mars duam hapjen e negociatave për Shqipërinë!
Pas takimit me kryeministrin Edi Rama, kancelarja gjermane Angela Merkel deklaroi se dëshiron hapjen e negociatave për vendin tonë në muajin në mars.
“Mbi të gjitha, ne duam të arrihet një marrëveshje në mbledhjen e ardhshme të Këshillit Europian për hapjen e negociatave për Shqipërinë dhe Maqedoninë e Veriut.
Të dyja vendet kanë arritur shumë. Ne do të punojmë tani që këto arritje të marrin meritën e tyre me një rezultat në mars”, tha Merkel.
Rama u takua sot me Merkel në Berlin për të diskutuar për Konferencën e Donatorëve, nga e cila Shqipëria të përfitojë donacione për të mbuluar dëmet e shkaktuara nga tërmeti i 26 nëntorit.
(Kosova Sot Online)
