Gëzim Kelmendi: Pas VV-së do të vijmë ne në pushtet

  • 28 January 2020 - 09:15
Gëzim Kelmendi: Pas VV-së do të vijmë ne në pushtet

Ish-deputeti Gëzim Kelmendi, ka deklaruar se pas Lëvizja Vetëvendosje, në pushtet do të vije partia e tij, Fjala.

Këto deklarime i ka bërë përmes një shkrimi në Facebook, ku i ka thënë kreut të PDK-së, Kadri Veseli se shqiptarët e kanë njëfarë rendi.

“Kryetari i PDK-së Kadri Veseli ka paralajmëruar se pas këtyre zhvillimeve politike, shumë shpejtë PDK-ja do të rikthehet në krye të pushtetit. I nderuar Kryetar i PDK-së Kadri Veseli, ne shqiptarët e kemi njëfar rendi. Ju keni qenë ma shumë se 1 dekadë në pushtet. Tash prit pak ta shohim çka po bën VV-ja. E mandej rradhën e kemi ne të FJALËS”, ka shkruar Kelmendi.

Ai dhe partia e tij në zgjedhjet e 6 tetorit nuk ka arritur ta kalojë pragun zgjedhor duke mbetur jashtë dyerve të kuvendit.

(Kosova Sot Online)