Borell në Washington, takon këshilltarin e Trumpit që ndërmjetësoi për linjën ajrore Prishtinë-Beograd
Përfaqësuesi i Lartë i BE’së për Punë të Jashtme dhe Siguri, Josep Borell, do të qëndrojë për dy ditë në Washington në një vizitë zyrtare ku do të takohet me Sekretarin e Shtetit, Mike Pompeo, dhe disa këshilltarë të presidentit Donald Trump.
Njoftimi për udhëtimin e Borell drejt SHBA’së është dhënë përmes faqes zyrtare të EEAS.
“Josep Borell, Përfaqësuesi i Latë për Punë të Jashtme dhe Siguri dhe zëvendës Presidenti i Komisionit Evropian, do të udhëtojë për në SHBA përgjatë 6 dhe 7 shkurtit. Kjo do të jetë vizita e parë e Josep Borell në Shtetet e bashkuara në rolin e Përfaqësuesit të Lartë dhe zëvendës presidentit”, thuhet në njoftimin e EEAS.
Borell atje do të takohet me Sekretarin amerikan të Shtetit, Mike Pompeo dhe me zëdhënësen e Dhomës së Përfaqësuesve, Nancy Pelosi.
Gjithashtu Përfaqësuesi i Lartë i BE’së do të takojë edhe Këshilltarin për Siguri Kombëtare të Trump, Robert O’Brien , i cili ishte edhe pjesë e ekipit të emisarit për dialogun, Richard Grenell, përgjatë arritjes së marrëveshjes Kosovë-Serbi për hapjen e hapësirës ajrore dhe lëshimin e linjës Prishtinë-Beograd.
We are grateful to Amb. @RichardGrenell and U.S. National Security Advisor @robertcobrien for their critical role in helping to establish direct flights between Belgrade/Pristina. Serbia is ready to pursue more such initiatives, bringing people in the Balkans closer together.
— ë ë (@predsednikrs) January 20, 2020
Everyone said it couldn’t be done. But for the first time in a generation, there will be direct flights between Serbia and Kosovo. Another win. Thanks to @WHNSC Ambassador Robert O’Brien and Ambassador @RichardGrenell! pic.twitter.com/0qSLryG96B
— Donald J. Trump (@realDonaldTrump) January 21, 2020
Me shumë gjasë në Washington, Borell do të diskutojë edhe për çështjen e zgjidhjes së problemit Prishtinë-Beograd, pasi që tashmë SHBA’të janë involvuar direkt dhe synojnë arritjen e një marrëveshje finale.
Përgjatë qëndrimit në Prishtinë Borell kishte thënë se nuk do të bëjnë gara me Grenellin, por do të bashkëpunojnë ngushtë dhe do të jenë bashkë në çështjen e dialogut. Kjo pasi ditë më parë Grenell kishte thënë se në dy marrëveshjet e arritura për linjën ajrore dhe hekurudhat nuk kanë qenë të përshirë as BE, as Gjermania e as Franca.
(Kosova Sot Online)