Marrëveshja për hekurudhat, Grenell nis takimin me Thaçin në Munih
Takimi i paralajmëruar ndërmjet presidentit të Kosovës, Hashim Thaçi dhe të dërguarit të posaçëm të Shteteve të Bashkuara të Amerikës për dialogun Kosovë-Serbi, Richard Grenell, ka nisur në mbrëmjen e së enjtes.
Takimi Thaçi-Grenell po zhvillohet në Bavari, ku që të dy kanë shkuar për të marrë pjesë në Konferencën e Munihut për Siguri.
Thaçi e Grenell pritet të flasin për dialogun mes palës kosovare dhe asaj serbe, si dhe për hapat e ardhshëm drejt arritjes së marrëveshjes finale për njohje të ndërsjellë me Serbinë, dhe anëtarësimin e Kosovës në Organizatën e Kombeve të Bashkuara.
Po ashtu, temë bisede mes dy figurave do të jetë edhe marrëveshja Kosovë-Serbi për linjën hekurudhore Prishtinë-Beograd, që është ndërmjetësuar nga Amerika.
Presidenti i Serbisë, Aleksandar Vuçiq, ka paralajmëruar sot se kjo marrëveshje do të nënshkruhet nesër, e premte.
Vuçiq e ka takuar Grenellin para se diplomati i lartë amerikan të takohej me Thaçin.
(Kosova Sot Online)