Haradinaj: Nuk kërkojmë më shumë se Kosovën e 17 shkurtit

  • 24 shkurt 2020 - 23:21
Haradinaj: Nuk kërkojmë më shumë se Kosovën e 17 shkurtit

Anëtari i AAK’së, Daut Haradinaj, ka thënë se taksa ndaj produkteve të Serbisë dhe Bosnje e Hercegovines nuk duhet të largohet.

Ai thotë se Kosova duhet tua bëjë të ditur aleatëve se largimi i taksës nuk duhet të bëhet pa ardhur njohja nga Serbia.

“Ne patëm përkrahur fuqishëm përfshirjen e SHBA’së në dialog. Tani po e shihni se SHBA’ja është përfshirë së bashku me miqtë ndërkombëtarë”, thotë ai.

“Miqve ndërkombëtarë duhet tua bëjmë të ditur se nuk po kërkojmë më shumë se pavarësia e 17 shkurtit. Nuk e di çfarë duhet të kërkohet më hsumë prej neve. E dimë se cfarë diskrimini pozitiv është bërë ndaj serbëve të Kosovës. Ata kanë përparësi në cdo sektor dhe aspekt të jetës në Kosovës, falë Pakos së Ahtisarit”, shton ai.

Taksa ishte vënë në vitin 2018 si kundërpërgjigje ndaj lobimit të Serbisë për mospranimin e Kosovës në organizata ndërkombëtare.

“Taksa është derivat i agresionit serb ndaj Republikës së Kosovës”, shton Haradinaj.


(Kosova Sot Online)