Kurti emëron këshilltar politik zyrtarin e vjetër të VV’së
Kryeministri i Kosovës, Albin Kurti, ka emëruar Erzen Vraniqin si këshilltar politik.
Lajmi është bërë i ditur nga Zyra e Kryeministrit përmes një komunikatë drejtuar mediave.
“Me këtë rast, Kryeministri Albin Kurti, z. Vraniqi i ka uruar punë të mbarë në detyrën e re, duke shtuar se përvoja e tij politike dhe angazhimi tejet profesional i deritanishëm do të jenë të rëndësishme në rrugëtimin e përbashkët politik”, thuhet në komunikatën e ZKM’së.
Ndryshe, Vraniqi është edhe udhëheqës i zyrës për media në Lëvizjen Vetëvendosje.
Më parë, ai ka punuar edhe në Komunën e Prishtinës ku ka qenë pjesë e kabinetit të Shpend Ahmetit.
(Kosova Sot Online)