Vrasje makabre në Pejë: Vritet Qerim Kelmendi, i digjet edhe trupi

Ish-pjesëtari i Ushtrisë Çlirimtare të Kosovës, Qerim Klmendi u gjet i djegur në veturën e tij në fshtin Zahaq të Komunës së Pejës gjatë orëve të para të mëngjesit të së enjtes. Qerimi kishte qenë njëri nga ushtarët e parë të UÇK’së. Kelmendi ishte kritikues i ish-presidentit Ibrahim Rugova.

“Emri i Ibrahim Rugovës është shendrruar ne Lavatriçe të udb-ashve, titistve, rankoviqistve, rugovistve, pastaj, të qyqarve, dezertorve dhe sabotatorve te luftës !  Ketë farë te keqe e ka mbjellur, kultivuar, rritur dhe korrur UDB dhe KOS !Janë shumë… !”, kishte shkruar Qerimi në Facebook.

Ndërkohë përmes një komunikate për media, policia ka thënë se fillimisht ishte lajmëruar npër një veturë të djegur, në fshatin Zahaq të Pejës.

“Policia e Kosovës Drejtoria Rajonale e Policisë në Pejë, është informuar se në fshatin Zahaq-Pejë, në një rrugë është duke u djegur një veturë. Me të marrë informatën njësitet e Stacionit Policor në Pejë kanë shkuar në vendngjarje, ku vërejtur një veturë e cila ishte përfshirë  tërësisht nga zjarri. Në vendin e ngjarjes kanë arritur njësitet e zjarrfikësve të cilët e kanë shuar në tërësi zjarrin”, ka bërë të ditur policia.

Policia ka sqaruar rrethanat në të cilat është gjetur i vrarë e më pas i djegur viktima.

E viktima Qerim Kelmendi ishte një prej ushtarëve të parë të UÇK’së, mik i heroti Ilir Konushevci. Qerimi ishte vëllai i Ibrahim Kelmendit, njërit nga drejtuesit e Lëvizjes Popullore të Kosovës. Këlmendi ishte mjaftë aktiv në rrjetet sociale dhe fliste shpesh për veprimtarinë e Ibrahim Rugovës.

(Kosova Sot Online)