Senatori amerikan: Kina do të japë përgjegjësi për koronavirusin

  • 15 mars 2020 - 19:00
Senatori amerikan: Kina do të japë përgjegjësi për koronavirusin

Senatori republikan, Tom Cotton, tha që do të shikojë mënyra se si ta bëjë Kinën që të japë përgjegjësi për përhapjen e koronavirusit.

‘’Kam shumë besim që Amerika do të arrijë edhe një herë që të kalojë rrezikun serioz ndaj shëndetit tonë që erdhi prej koronavirusit të Wuhanit’’, ka thënë ai.

‘’Ne do të dalim më të fortë nga kjo sfidë, dhe do ti mbajmë përgjegjës ata që i shkaktuan këtë botës. Ne do të përparojmë në ditën e re’’, shtoi ai.

Po ashtu Cotton citohet të ketë shkruar edhe në Twitter se ‘’Kina do të paguajë për këtë’’.

Gjithsesi, më herët i njëjti kishte thënë se Kina mund ta ketë krijuar virusin në njërën prej ‘’superlaboratoreve’’ të saja në Azi.

(Kosova Sot Online)