Boikeni i VV’së: Agim Veliu i infektuar me koronathaçizëm
Zyrtarë të Lëvizjes Vetëvendosje kanë reaguar pas shkarkimit të Agim Veliut nga posti i ministrit, nga kreu i Qeverisë, Albin Kurti.
Boiken Abazi, drejtor Ekzekutiv i Qendrës së Lëvizjes Vetëvendosje në Shqipëri sot gjatë ditës i ka bërë dy shkrime lidhur me shkarkimin e Veliut.
Fillimisht, e ka përgëzuar Kurtin, për siç ka thënë ai largimin e një anëtari nga kabineti që është i rrezikshëm për shtetin e Kosovës.
“Përgëzime KM Kurti – largoi një anëtar kabineti të rrezikshëm për shëndetin publik dhe shtetin e Kosovës”, ka shkruar ai.
Abazi ndërkaq, i ka reaguar Veliut për deklaratën e tij që Kurti dhe anëtarët e qeverisë nga radhët e LV’së e kanë bërë testin për koronavirus.
Ai ka ironizuar duke thënë se Agim Veliu është i infektuar dhe në gjendje të rëndë me koronathaçizëm.
(Kosova Sot Online)