Haziri i ofron mbështetje familjes nga Zhegra që është prekur nga virusi

Kryetari i Gjilanit, Lutfi Haziri, u ka ofruar mbështetje familjes së prekur nga koronavirusi në Zhegër.

‘’Lajm i keq për familjen Shaqiri dhe Gjilanin.’’, ka shkruar ai.

‘’Instituti Kombëtar i Shëndetësisë Publike sapo na njoftoi se nga të gjitha mostrat e marra sot në Gjilan, përkatësisht në Zhegër, Kravaricë, Cerincë e Vrapçiq, 11 anëtarë të familjes Shaqiri (Vrapçiq), si pasojë e infektimit nga anëtarja e familjes e cila ka ardhur nga Gjermania, fatkeqësisht rezultuan pozitivë me #Covid19.’’

Ai ka bërë apel tek qytetarët që të mos shqetësohen sepse janë marrë vperimet e duhura për menaxhim të situatës.

‘’Apeloj qytetarët që të mos kenë kurrëfarë shqetësimi sepse kemi marrë veprime për karantimim të plotë dhe menaxhim të situatës në vendet e prekura. Duhet të potencohet se Zhegra nuk e ka asnjë rast të ri pas testit të dytë sot, dhe pjesa tjetër e komunës është e paprekur.’’, thotë ai.

‘’Faleminderit shumë Institutit Kombëtar të Shëndetësisë Publike dhe Qendrës Rajonale të Shëndetit Publik në Gjilan për profesionalizimin e madh dhe falë angazhimit të tyre, është bërë lokalizimi shumë i shpejt, në momentin e zbulimit të rastit të parë.’’ 

(Kosova Sot Online)