Prekëse: I riu britanik ndërron jetë nga koronavirusi, 10 ditë më parë ishte bërë baba
Ashtu si e gjithë bota, edhe Britania e Madhe është duke u përballur me një situatë të vështirë për shkak të koronavirusit.
Numri i viktimave është rritur ndjeshëm duke shkuar në 1019 dhe mes tyre është edhe një i ri 27-vjeçar.
Thomas Davies ndërroi jetë në shtëpinë e tij dhe sipas familjarëve nuk vuante nga asnjë sëmundje.
Për mediat e huaja, e ëma e Thomas ka treguar se ai pasi rezultoi pozitiv u izolua në shtëpi dhe gjendja shëndetësore ishte stabël.
Por, ditën e premte ai u gjet i vdekur nga partnerja e tij, pasi kishte pasur një komplikim.
Ai ndërroi jetë 1 javë pasi pati simptomat e para të COVID-19, si kolla e thatë apo ethet.
Historia e tij i ka prekur të gjithë, pasi 10 ditë më parë Davies ishte bërë baba për herë të dytë.
Për fat të mirë familja e tij nuk është infektuar dhe vogëlushi gëzon shëndet të plotë.
(Kosova Sot Online)
