Posta e Kosovës: Policia ka rrethuar objektin derisa po mbahet mbledhja e bordit

  • 10 prill 2020 - 14:59
Posta e Kosovës: Policia ka rrethuar objektin derisa po mbahet mbledhja e bordit

Posta e Kosovës ka njoftuar se është rrethuar nga ana e Policia e Kosovës brenda dhe jashtë saj.

Përmes një komunikate drejtuar mediave, Posta ka bërë me dije se derisa po mbahet mbledhja e Bordit të Perkohshëm me menaxhmentin në Postën e Kosovës Policia janë vendosur edhe brenda objektit edhe para hyrjes së Postës.

“Ju njoftojmë se aktualisht derisa po mbahet mbledhja e Bordit të Perkohshëm me menaxhmentin në Postën e Kosovës kanë ardhë policia dhe janë vendosur edhe brenda objektit edhe para hyrjes së Postës. Nuk e dimë arsyen për një veprim të tillë”, thuhet në komunikatën e Postës.

Media ka kontaktuar me zëdhënësin e Policisë së Kosovës, Baki Kelanin për të marrë informacione rreth arsyes pse është rrethuar Posta, por ai nuk ka dhënë detaje.

“Policia e Kosovës, bazuar në detyrat dhe autorizimet e saja ligjore, ofron siguri dhe asistencë policore, ndaj të gjithë  qytetarëve, pronave publike dhe atyre private”, ka thënë Kelani.

(Kosova Sot Online)