Shpërthen profesori : Presidenti Thaçi po mashtron, po e shkelë Kushtetutën për ta bërë qeverinë e re me LDK-AAK dhe NISMA
"Logjika e Presidentit mbështetet në nenin 95, parag. 5, kur Qeveria nuk e merr shumicën e votave, e që presidenti i Republikës brenda 10 ditëve emëron kandidatin tjetër sipas të së njëjtës procedurë. Nëse edhe tash nuk zgjidhet shkohet në zgjedhje të reja. Kjo normë juridike nuk vlen kur bëhet mocioni dhe për të votojnë së paku 2/3 e deputeteve. Këtu vjen në shprehje neni 82, paragrafi 1, pika 2 e Kushtetutës. Këtu thjeshtë shpërndahet Kuvendi i Republikës. Kjo mos kuptueshmëri nuk del se nuk dihet nga Presidenca me tërë ata këshilltar që i ka z. Thaçi, por bëhet me qellim, në mënyrë që të kalon çështja te partia e dyte që i ka votat në Kuvend. Kjo rruge është antiligjore. Me këtë dëshiron z. Thaçi një Qeveri të dëgjueshme për të dhe që vepron sipas pikësynimeve të tija. Në fakt kjo formë e ndërtimit të Qeverisë është grusht shtet dhe nuk ka emërtim tjetër”, thotë Muhamet Kelmendi për “Kosova Sot Online”.
Kryeministri në detyrë Albin Kurti, po vazhdon ti kthen përgjigje negative Presidentit Thaçi në kërkesat e tij të vazhdueshme, si formë presioni, për të propozuar kandidatin e këtij subjekti politik, për të filluar procedurat e formimit të Qeverisë së re pas rrëzimit të Kurtit me mocionin e LDK-së, me qëllim të arritjes së marrëveshjes me partner të tjerë politik, sikur që ka ndodhur tani ashiqare pajtimi në parim me AAK-n dhe NISMA dhe AKR me minoritetet. E për ta arritur këtë qëllim, Thaçi po mundohet ta kërkon edhe mbështetjen ndërkombëtare, sado që ky veprim nga ekspertët po vlerësohet antikushtetues, madje shkelje e rëndë e kushtetutës e cila qon në një lloj të grusht shtetit klasik.
Kështu thotë për “Kosova Sot Online”, njohësi i të drejtës Kushtetuese Muhamet Kelmendi, sipas të cilit, bartja e mandatit për formimin e Qeverisë së re, tek subjekti i dytë politike me numrin e votave, pas mocionit të suksesshëm nga Kuvendi i Kosovës për rrëzimin e Qeverisë, është krejtësisht veprim kundër kushtetues, andaj me të drejtë LVV dhe Albin Kurti nuk e propozojnë emrin e mandatarit të ri sikur që po kërkon tani Hashim Thaçi, sepse përgjigja pozitive do të ishte vetë dorëzim para një presioni të kundërligjshëm. Kelmendi thotë se një kalim i tillë i mandatit, nga subjekti i parë tek i dyti mundë të bëhet vetëm nëse për këtë pajtohet partia e parë fituese e zgjedhjeve me marrëveshje politike, por jo duke vepruar njëanshëm presidenti Thaçi për interesat e grupeve të caktuara dhe interesin e tij personal.
“ Ishte e pritshme një përgjigje negative e Kryeministrit në detyrë lidhur me letrën e Presidentit. Presidenti duhet të kuptoi se nuk ka bazë ligjore për rrugën e tille dhe as për kalimi e mandatarit te subjektet tjera. Sa më parë të kuptohet kjo, aq më shpejtë realizohet baza për ndonjë marrëveshje politike të mundshme. E theksoj të mundshme, sepse kjo marrëveshje nuk ka bazë kushtetuese, por mbështetet në vullnetin e mirë për të tejkaluar gjendjen ku gjendet vendi. Duhet thëne, edhe nëse e përsëritim, se Kushtetuta e Kosovës nuk parashikon mundësinë e kalimit të mandatarit nga subjekti i parë politik që ka fituar shumicën në Kuvend te subjekti i dytë e kështu me radhë. Kjo ndalohet me nenin 82, 95 dhe nenin 100. Nuk ka bazë juridike për procedurë tjetër”, thotë Muhamet Kelmendi për “Kosova Sot Online”.
Sipas Kelmendit, mënyra se si po planifikon Presidenti për të ardhur deri te formimi i Qeverisë së re, pa zgjedhje të reja, me këtë legjislaturë të zgjedhjeve të 6 tetorit 2019, duke ja marr mandatin partisë së parë fituese të zgjedhjeve, është një model i grusht shtetit politik, që nuk ka ndodhur akoma në ndonjë rast tjetër në shtetet e rajonit dhe as më gjerë, por paraqet një precedan të tipit të menduar nga Hashim Thaçi.
“Logjika e Presidentit mbështetet në nenin 95, parag. 5, kur Qeveria nuk e merr shumicën e votave, e që presidenti i Republikës brenda 10 ditëve emëron kandidatin tjetër sipas të së njëjtës procedurë. Nëse edhe tash nuk zgjidhet shkohet në zgjedhje të reja. Kjo normë juridike nuk vlen kur bëhet mocioni dhe për të votojnë së paku 2/3 e deputeteve. Këtu vjen në shprehje neni 82, paragrafi 1, pika 2 e Kushtetutës. Këtu thjeshtë shpërndahet Kuvendi i Republikës. Kjo mos kuptueshmëri nuk del se nuk dihet nga Presidenca me tërë ata këshilltar që i ka z. Thaçi, por bëhet me qellim, në mënyrë që të kalon çështja te partia e dyte që i ka votat në Kuvend. Kjo rruge është antiligjore. Me këtë dëshiron z. Thaçi një Qeveri të dëgjueshme për të dhe që vepron sipas pikësynimeve të tija. Në fakt kjo formë e ndërtimit të Qeverisë është grusht shtet dhe nuk ka emërtim tjetër”, thotë Muhamet Kelmendi për “Kosova Sot Online”.
(Kosova Sot Online)
