Quni tregon arsyen se pse nuk e votoi Hotin për kandidat të LDK’së për kryeministër
Anëtari i Lidhjes Demokratike të Kosovës, njëherësh ministër në detyrë i Mbrojtes, Anton Quni, ka bërë të ditur qëndrimet e tij që mbajti sot në mbledhjen e kësaj partie, ku u nominua Avdullah Hoti kandidat për kryeministër.
Quni deklaroi se ka thënë se e sheh të nevojshme edhe nominimin e ndonjë personaliteti tjetër të partisë, duke shtuar se nga ana e tij e çmon lartë personalitetin e Avdullah Hoti.
“Unë kam abstenuar nga votimi, por natyrisht që kam respektuar plot2sisht vendimin unanim të Kryesisë dhe e kam uruar të nominuarin duke i dëshiruar sukses dhe me lutjet që në këtë rrugëtim ta kemi bekimin e Zotit”, ka shkruar Quni në rrjetin social Facebook.
Shkrimi i plotë i Qunit:
Njoftim
Qendrimi im ne mbledhjen e Kryesise se LDK-se
Te nderuar miq, me qellim qe te mos krijohet hapesire per spekulime ne mediat e ndryshme, dua te ju njoftoj rreth qendrimit qe mbajta sot, ne mbledhjen e kryesise se LDK-se, me rastin e nominimit te kandidatit tone per kryeminister, profesor, Avdullah Hoti.
Meqenese LDK-ja ruan kulturen e debatit para marrjes se vendimeve te saj, para nominimit eshte hapur mundesia per debat te cilen e kemi shfrytezuar duke biseduar me gjuhen e fakteve dhe argumenteve rreth kandidateve te mundshem.
Natyrisht qe edhe nga ana ime eshte çmuar larte personaliteti i profesorit Avdullah Hoti.
Por, e verteta eshte se, kam thene qe e shoh te nevojshme edhe nominimin e ndonjë personaliteti tjeter te partise, gjithmone ne perpjekje te permbushjes se nevojes per unifikim te strukturave te partise dhe votuesve te LDK-së.
Me kete rast kam dhene edhe propozimet e mia, e qe ishin me shume se sa nje emer.
Ne fund, pas debatit brenda partiak qe, zakonisht zhvillohet ne atmosfere dhe kulture te larte demokracie dhe cfare vetem subjekti i LDK-se e ka te kultivuar, qendrimet tona u perafruan rreth emrit te profesor, Hotit i cili edhe mori besimin e te te gjithe te pranishmeve.
Une kam abstenuar nga votimi, por natyrisht qe kam respektuar plotesisht vendimin unanim te Kryesise dhe e kam uruar te nominuarin duke i deshiruar sukses dhe me lutjet qe ne kete rrugetim ta kemi bekimin e Zotit.
A.Q
(Kosova Sot Online)
