Komuna e Drenasit bën dezinfektimin e objektit të kësaj komune si dhe të veturave zyrtare

Komuna e Drenasit ka bërë dezinfektimin e objektit të ksaj komune si dhe të veturave zyrtare.

Kjo është bërë e ditur përmes një postimi në Facebook nga Komuna e Drenasit.

“Edhe sot, zyrtarët e logjistikës konform procedurave kanë bërë dezinfektimin e objektit dhe hapësirave për rreth. Ndërsa, si masë të shtuar për mbrojtje nga virusi COVID-19, po dezinfektohen edhe veturat zyrtare në mënyrë që të sigurohet stafi komunal gjatë përdorimit të tyre”, thuhet në njoftimin e tyre.

Ky është postimi i plotë i Komunës së Drenasit:

Dezinfektohet objekti i Komunës së Drenasit dhe veturat zyrtare

Komuna e Drenasit për të siguruar mbrojtje të stafit komunal, dhe për të ofruar shërbime të sigurta për qytetarët, po bënë dezinfektimin e rregullt të objektit të administratës komunale.

Edhe sot, zyrtarët e logjistikës konform procedurave kanë bërë dezinfektimin e objektit dhe hapësirave për rreth.

Ndërsa, si masë të shtuar për mbrojtje nga virusi COVID-19, po dezinfektohen edhe veturat zyrtare në mënyrë që të sigurohet stafi komunal gjatë përdorimit të tyre.

Këto masa që po ndërmerren në vazhdimësi janë për të parandaluar apo stopuar përhapjen e virusit dhe për të krijuar ambient të sigurtë për punë e dhënie të shërbimeve komunale.

Qytetarë të nderuar, siç keni treguar deri tani kulturë të lartë qytetare, vazhdoni t’i respektoni udhëzimet e IKShP-së, kujdesuni për shëndetin tuaj, të familjes dhe shoqërisë.

Kujdesi juaj në këtë menyrë na motivon edhe më shumë që të punojmë, dhe kujdesemi për ju.

Me kujdes, pa panik!

(Kosova Sot Online)