Hashim Thaçi: S’do ketë kurrë amnisti për krimet e Serbisë, s’ka pajtim pa drejtësi

02 May 2020 - 20:13

Presidenti i Kosovës, Hashim Thaçi, ka përkujtuar sot masakrën e kryer nga forcat serbe në Studime të Vushtrrisë, ku u vranë rreth 116 civilë të pafajshëm.

Thaçi, nëpërmjet një postimi në Twitter, ka thënë se heshtja e ndërkombëtarëve, 21 vjet pas luftës për krimet e kryera nga Serbia është amnisti e tyre për këto vepra.

“Sot, përkujtojmë 116 civilët, viktima të masakrës së Studimes së Vushtrrisë, masakër e kryer nga Serbia. Për këtë krim, ashtu si për 400 masakrat tjera, 10 mijë të vrarët, 20 mijë gratë e dhunuara, dhe 1 milion të zhvendosurit, askush është vënë përgjegjës nga drejtësia ndërkombëtare. Heshtja e komunitetit ndërkombëtar, pas 21 viteve është amnisti për këto krime. Ne nuk do të ndalemi kurrë së kërkuari drejtësi, dhe amnistia nuk do të jetë opsion. S’mund të ketë paqe dhe pajtim pa drejtësi”, ka shkruar Thaçi.

Today we remember 116 civilian victims of the massacre of the village of Studime, committed by Serbia. For this atrocious crime, just like for 400 massacres, 10k civilians killed, 20k women raped, and 1M forcibly displaced, no one has been held accountable by int'l. justice. 1/2
— Hashim Thaëi (@HashimThaciRKS) May 2, 2020