Albin Kurti shpreh ngushëllime për vdekjen e të riut në konvikte, kërkon që të zbardhen rrethanat e rastit

  • 03 maj 2020 - 19:42
Albin Kurti shpreh ngushëllime për vdekjen e të riut në konvikte, kërkon që të zbardhen rrethanat e rastit

Kryeministri në detyrë i Republikës së Kosovës, Albin Kurti, ka shprehur ngushëllime për vdekjen e 26 vjeçarit nga Gjilani në Qendrën e Studentëve.

“Me keqardhje dhe pikëllim morëm vesh për lajmin e rëndë të vdekjes tragjike të një qytetari të Kosovës nga Gjilani në Qendrën e Studentëve të shndërruar në karantinë në këtë kohë të pandemisë së COVID-19”, ka thënë Kurti, njofton Zyra e Kryeministrit.

Siç bëhet e ditur përmes një komunikate, Kurti i ka shprehur ngushëllime familjes dhe miqve të të ndjerit, kurse ka theksuar se nga mjekësia ligjore dhe organet e rendit kërkon sa më parë zbardhjen e rrethanave të vdekjes së tij.

(Kosova Sot Online)