Edhe 214 raste aktive me coronavirus në Kosovë, të shëruar 789 pacientë

  • 25 maj 2020 - 09:40
Edhe 214 raste aktive me coronavirus në Kosovë, të shëruar 789 pacientë

Kosova është duke vazhduar të përballet me pandeminë e COVID-19, ndërsa aktualisht janë edhe 214 raste aktive me këtë virus.

Nga virusi COVID-19, në Kosovë që nga 13 marsi janë infektuar 1 mijë e 32 persona, 789 prej të infektuarve janë shëruar kurse 29 persona kanë humbur jetën por që kishin edhe sëmundje tjera shoqëruese.

Ndërsa, nga data 08 shkurt deri më 24 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 13.262 persona të dyshimtë në virusin SARS-CoV-2.

Ndërkaq, ditën e diel, 24 maj, në vendin tonë nuk u regjistrua asnjë rast i ri me coronavirus, kjo ishte dita e parë që nga data 13 mars, kur në vendin tonë nuk rezulton pozitiv me virus asnjë person.

(Kosova Sot Online)