Nga kjo datë Mali i Zi e hapë kufirin me Kosovën

Nga e hëna, Mali i Zi do të lejojë hyrjen e qytetarëve të 26 vendeve, në mesin e tyre edhe ata që vijnë nga Kosova.

Trupi Koordinues Kombëtar ka vendosur të lejojë qytetarët nga 26 vende që nga 1 qershori të hyjnë vend, në përputhje me rekomandimet e Institutit të Shëndetit Publik, pa karantinë dhe vetë-izolim, nëse shkalla e rasteve aktive COVID-19 është më pak se 25 për 100 mijë banorët në vendin nga i cili vjen.

Sipas këtij vendimi, Mali i Zi hap kufijtë për:

Kosovën, Shqipërinë, Slloveninë, Islandën, Kroacinë, Sllovakinë, Zvicrën, Austrinë, Norvegjinë, Monakon, Gjermaninë, Greqinë, Hungarinë, Danimarkën, Lituaninë, Letoninë, Azerbajxhanin, Luksemburgun, BeH, Bullgarinë, Izraelin, Maqedoninë Veriore, Irlandën, Republikën Çeke, Finlandën dhe Estoninë.

Sipas kësaj llogaritje jashtë mbetet Serbia.

Me sugjerimin e Institutit të Shëndetit Publik, NKT ka vendosur që nga nesër të gjitha llojet e tubimeve, jashtë dhe brenda, në vende publike, duke përfshirë festimet e dasmave, funeralet, si dhe garat sportive mund të marrin pjesë deri në 200 persona me respekt të detyrueshëm për distancën fizike të paktën dy metra.

Në garat sportive, është e detyrueshme të dezinfektohen pajisjet për trajnime, gara dhe turne dhe gjërat që përdorin sportistët së bashku.

Puna e diskove, bareve dhe klubeve të natës, dhe lojërave për fëmijë lejohet në përputhje me udhëzimet e Institutit të Shëndetit Publik, si dhe puna e kinemave, teatrove dhe kopshteve.

(Kosova Sot Online)