Ja pse nuk u hapën çerdhet sot në Kosovë

  • 01 qershor 2020 - 10:40
Ja pse nuk u hapën çerdhet sot në Kosovë

Kryetarët e komunave të Kosovës kanë vlerësuar se ka pasur mungesë të koordinimit mes nivelit qendror dhe atij lokal për hapjen e çerdheve.

Përmes një njoftimit, kryetari i Asociacionit të Komunave, Sazan Ibrahimi, ka thënë se sot nuk ka nisur punën çerdhet, sepse sipas tij, njoftimi dhe vendimi i institucioneve qendrore është shpallur dje pasdite duke shtuar kështu konfuzionin për bartësit e institucioneve parashkollore dhe vet prindërit.

e Komunave vlerësojnë se në këtë rast, kishte mungesë totale të koordinimit ndërinstitucional mes Qeverisë dhe vetë Komunave dhe fatkeqësisht nuk është hera e parë e besojmë që do jetë hera e fundit”, ka thënë ai.

Asociacioni i Komunave të Kosovës ka kërkuar nga institucionet qendrore koordinim më të mirë dhe efektiv, jo vetëm për parandalimin e pandemisë por edhe për çështje tjera të interesit publik.

“Fillimisht kishim dy versione si datë të hapjes së çerdheve, 1 dhe 8 qershorin. Pastaj në shpallje të vendimit, që u lajmëruam përmes mjeteve të informimit, u tha se kjo rihapje ka kritere të reja. E të cilat kritere nuk ishin publike askund dhe nuk iu ishin dërguar as komunave”, ka thënë ai.

tij, mungonte informata e qartësuar dhe e plotë për, siç thotë ai, një aktivitet tepër të rëndësishëm siç janë çerdhet dhe kopshtet në kohë pandemie.

vonë, pak para mesnatekomunat pranuan ‘Udhëzuesin për rihapjen e institucioneve parashkollore dhe kopshteve pas pandemisë së COVID-19’. Sipas këtij dokumenti, faza përgatitore e hapjes së institucioneve parashkollore merr disa ditë kohë, meqë ka një mori masave në zbatim të plotë të Udhëzuesit dhe për të siguruar shëndetin e fëmijëve tanë. Poashtu, përveç këtyre kritereve nga Udhëzuesi për hapje të institucioneve parashkollore, i shtohen edhe çështjet tjera si mbipopullimi i çerdheve, çështja e ushqimit dhe pastrimit, si tre elemente bazike në masat për parandalimin e përhapjes së pandemisë Covid-19”, ka shtuar ai.

Ai thotë se marrë parasysh këto, komunat kanë vepruar drejtë që nuk kanë lejuar hapjen e këtyre institucioneve pa përgatitje sipas udhëzuesit.

“Ndërkohë, Komunat e Kosovës, menjëherë kanë filluar angazhimet për zbatim të kritereve dhe masave nga ‘Udhëzuesi për rihapjen e institucioneve parashkollore dhe kopshteve pas pandemisë së COVID-19’ dhe përgatitjen sa më përmbajtjesore e të sigurt të hapjes së çerdheve dhe kopshteve. Pas zbatimit të plotë të këtij udhëzuesi nga ana e komunave, në ditët në vijim do të hapen çerdhet dhe kopshtet dhe do të jenë nën kujdesin e shtuar të strukturave komunale”, ka thënë ai.

(Kosova Sot Online)