Kjo foto po bën xhiron e botës/ Vajza vendosi spirale në mitër kundër shtatzënisë, bebi lind duke e mbajtur në dorë
Një fotografi e një fëmije të porsalindur që mban spiralen e dështuar të nënës së tij është bërë virale.
Nëna 34-vjeçare e kishte futur pajisjen intrauterine (IUD) dy vjet më parë në mitër për të parandaluar një shtatzëni të padëshiruar.
Sidoqoftë, spiralja nuk e bëri punën e saj dhe ajo mbeti shtatzënë, duke lindur në Spitalin Ndërkombëtar Hai Phong, në Hai Phong, Vietnam.
Gjatë lindjes, IUD doli së bashku me foshnjën, e cila më pas e kapi në dorë. Tran Viet Phuong, një obstetër në spital, vuri re momentin e pazakontë dhe bëri një fotografi që u nda javën e kaluar në mediat sociale të spitalit, ku mori mijëra pëlqime, dhe komente.
Phuong tha:
Pas lindjes, mendova se mbajtja e pajisjes ishte interesante, kështu që bëra një fotografi. Nuk mendoja se do të merrte kaq shumë vëmendje.
(Kosova Sot Online)