51-vjeçarja hapi tunelin 10 metra të gjatë për në qelinë e burgut që të lironte djalin

Një nënë e cila u përpoq të gërmonte një tunel për të hyrë në një burg në mënyrë që të lironte djalin e saj i dënuar për vrasje, tani është burgosur vetë.

Gruaja 51-vjeçare, e cila nuk është emëruar, mori me qira një shtëpi pranë burgut në rajonin jugor të Zaporizhia në Ukrainë, ku djali i saj po vuan një dënim të përjetshëm.

Ajo më pas përdori lopata dhe kazma për të gërmuar një tunel rreth 3 metra të thellë në një fushë aty pranë, e më pas e hapi rreth 10 metra të gjatë deri nën muret e burgut.

Ajo gërmoi vetëm natën në mënyrë që të mos tërhiqte vëmendjen, duke arritur në vendin e gërmimit në një skuter elektrik pa zhurmë.

Një roje burgu, siç transmeton Panorama, tha: ‘Ajo kishte një lloj karroce, një copë kompensatë me rrota të vogla, në mënyrë që të mund të hiqte dheun”.

Dheu është hedhur pranë një garazhi, afër vendit ku ndodhej vendi i gërmimit.

Gruaja kishte zhvendosur rreth tre tonë dhe në kohën kur u kap dhe u arrestua, tre javë pasi filloi projektin e saj.

Gjatë ditës, gruaja qëndronte brenda për të mos tërhequr vëmendjen si një e huaj.

Kur stacioni televiziv ukrainas TSN i tregoi një fotografi të saj një blerësi të afërt, ai nuk e njohu.

Nuk u dhanë detaje të tjera për të burgosurin e akuzuar për vrasje, ndërsa thuhet se është nga Mykolaiv, rreth 5 orë larg me makinë nga burgu.

Gjatë kontrollit të shtëpisë me qira, policia gjeti mjete dore për gërmime. Gruaja fitoi lavdërime nga ukrainasit. “Kjo është një nënë e vërtetë – jo një nga ato që braktisin fëmijët e tyre,” tha një komentues.

(Kosova Sot Online)